Нохчийн меттан денца!

Тахана вайн махкахь билгалдоккхуш ду Нохчийн Меттан Де! Даггара декъалво хIокху дезачу денца Нохчийн Республикин Мехк-Да Кадыров Ахьмад-Хьажин Рамзан а, иштта дерриге а нохчийн къам а!

Муьлххачу а къоман оьздангаллин бух матто кхуллуш бу, цундела таханлерачу дийнахь къаьсттина мехала ду иза Iаморехь а, ларбарехь а къахьегар.

И декхарш шен леранчу тидамехь латтош, мотт Iаморе халкъ кхойкхуш а вара Нохчийн Республикин Хьалхара Президент, Россин Турпалхо Кадыров Ахьмад-Хьажа (ДАЛА гlазот къобалдойла цуьнан).

Иштта нохчийн мотт хаарехь, иза Iаморехь а вайна масал хилла лаьтта вайн Мехк-Да Кадыров Ахьмад-Хьажин Рамзан. Ненан мотт бовзар, иза хаар а, кхиор а хIоранне а декхар хилар гойту Нохчийн Республикин Мехк-Дас.

Кхин цкъа а даггара декъалво Нохчийн Меттан денца вайн Мехк-Да Ахьмад-Хьажин Рамзан а, дерриге нохчийн къам а! Дала тIаьхье беркате йойла вайн!

Ларамца,

Академикан М.Д. Миллионщиковн цIарах йолу

Грозненски Пачхьалкхан мехкдаьттан технически университетан ректор

Минцаев Мохьмад